الاثنين، 30 يوليو 2007

ليــــه الهم صار صاحبك.....





حزين الدمع فعيونك
وتايه والأسى بيتك
متعرفشى غير الدمعه
متسمعشى عن الضحكة
وكل الضلمة فحياتك
وصوت مكتوم ملى نَفسَك
وإيه حابسه ورا ضلعك...؟؟!
وليه عايش سنين يابنى
فاقت عمرك..!!
وليه الهم صار صاحبك...؟؟
وليه دايما صدى الصرخة
بيتردد داخل صدرك..؟!
عارف يا بنى ليه الليل
بقى ملازمك...؟؟
عشان ضايع داخل نفسك...
ومش عارف تراضيها...
وصارت دنيتك همك...
شايف جانبك طريق أجمل
لكن سايبه...
ووهمينك بكلمتهم
((لازم يابنى تعيش سنك))
أنا نَفْسى فيوم برضو
تاهت زيك
لكن أحذر لتتعمق
وتبقى الضلمة لون عمرك
وقوم يالا وسيب همك
وأغسل بالوضوء ذنبك
واشكى للرحيم ألمك
وصدقنى هتتفرج
وتلقى النور ملى قلبك
وللجنة بقى دربك
فقوم يالا وسيب نفسك
واسمع يابنى صوت عقلك
ودقات على الفطره
داخل قلبك
هتلقى الشمس راح تشرق
وكل الخوف بيتسرب
بعيد عنك
فقوم يالا وسيب همك

الاثنين، 23 يوليو 2007

تعبـــــــت خـــــــلاص.......





آه يا دنيا.......
صعبة الدنيا...تعبت خالص....بجد مش قادر أواصل
أكيد رددتها....أكيد زهقت...تعبت ...وفى يوم حسيت نفسك تبكى
جايز مكنتش عارف من إيه...وممكن تكون عارف....كنت محتاج حد يسمعك صح...
كنت محتاج حد ييقولك معلش أصبر....يدواى جراحك....
جايز حزنك كان بسبب طاعة....آه تخيل طاعة...أصبر شوية وهتعرف ليه
طاعة ...نفسك تعملها...تعبت ...خالص مش قادر تصبر أكتر من كده
جايز همتك بدأت تخور....جايز الفتن حاصرتك من كل مكان....والصحبة سابتك...
بتحاول....بس بترجع تقول أنا بشر...مش قادر





وجايز حزنك بسبب معصية....مش قادر تسيبها ...بتحاول..صحابك زيك غرقانين فيها
أقصد الدنيا...مش شايفين غيرها...تعبت يارب...تعبت...أصلى بحبك
وحاسس المعصية دى واقفة فى الطريق بينى وبينك...صح...بتحس كده...ضميرك بيصحى...بيوجعك
وجايز بتبكى....أدعى ...أيوه أدعى...متستسلمش أصلها دنيا وجهاد...أوعى تيأس..لازم تكون قوى
إفتكر رسولك صبر علشان يوصلك الدين ده قد إيه..إتأذى علشانك
إفتكرهم...نجوم الهدى...مشوا على نهج نبيك....صبروا....واتعذبوا....بس ثبتوا
وفى الآخر زيك...طلعوا بشر....طيب إيه الفرق بينى وبينهم...ولا حاجة...زيك تمام
بس هما صبروا عنك...جاهدوا نفسهم....الفتن حواليهم...المعاصى بتناديهم...بس سابوا كل ده
ولجأوا لله...طلبوا يحميهم...يحمى قلوبهم..أصلهم بشر
صبروا على الطاعة..كانت صعبة..بس صبروا وجاهدوا...صبروا على الفتنة والمعصية...
كان البعد عنها صعب...بس مسكوا المصحف بأيدهم...حفظوا أياته فى قلوبهم...وجاهدوا
وجايز وقعوا...بس رجعوا بسرعة يقوموا...ما استسلموش....زيك تمام...بس اصبر





جايز تعبت منها بسبب مصيبة...بلاء حل عليك....مش عارف منين...جايز لما تمسكت بدينك
الكل حاربك...أهلك وصحابك...وحبايبك....يارب تعبت ..
إستنى أوعى تستسلم...أصبرده ربك معاك....هما سابوك...بس هوه مش هيسيبك
أصلك...سبتهم وروحت له...أصلك إهتميت برضاه وسبتهم يسخطوا عليك
تفتكر هيضيعك بعد كل ده....؟؟؟لا والله ده بس بيختبر قوة صبرك...عايز يشوفك بتحبه قد ما بيحبك ولا لأ....أختبرك ...وانت كون قد الإختبار...قول يارب والله بحبك...هصبر وهثبت....وعمرى ما هزهق
لو موتونى علشان أبعد عنك....عمرى ما هبعد.....
يارب...لو فقدت حب الناس ليا....حسيت إنى مش قادر أعيش محتاج حب ورحمة...بس كلهم قاسين
كارهين إنى أمشى صح....هتذكر رحمتك بيا...وحبك ليا....هيغنينى عنهم...
عن حبهم ورحمتهم.....
تفتكر المصيبة اللى وقعت عليك...كانت فى فقد حد من أهلك...من أحبابك...كانت فى شئ عزيز عليك
...مش يمكن بعدت عن ربنا شوية....وربك حب ينبهك ..قبل ما يجى معادك
قالك...خد بالك...إنت نسيت...بس أنا مشفق عليك....وبذكرك....أيوه...فوق بقى
متستسلمش للحزن جواك....وتنسى ربك...لأ ده تنبيه...خبط على بابه قول له سامحنى إنى غفلت
سامحنى...بس أنا بحبك وراجع لك.....سامحنى..أنا مقدرش أعيش من غيرك






تعرف.....سمعت الآية اللى بتقول((إنما يوفى الصابرون أجرهم بغير حساب
((
عارف الأول يفوا أجرهم بغير حساب
يعنى تدخل الجنة على طول...من غير حساب....من غير ما تتحاسب على كل كلمة قلتها
وكل حركة عملتها....ليه لأنك صبرت
طيب سؤال....عارفة.. عايز تقول أى نوع من أنواع الصبر مقصود....؟؟؟
الصبر على الطاعة...على تأديتها...محاولة الثبات عليها رغم الفتن....رغم الدنيا وأنفها...رغم الناس
رغم كل شئ
الصبر على المعصية...آه المعاصى حواليك...بس إنتا بتسموا بروحك عنها...عايز تعمل زيهم
بس لأ........ده رضا ربنا أهم....هصبر شوية....بكرة أرتاح فى الجنة...هوه ده الصبر على المعصية
الصبر على البلاء..أو المصيبة... رضيت يارب....كان بلاء صعب....بس راضى بقدرك
جايز عملت معاصى...وحبيت تكفر سيئاتى فى الدنيا....وجايز بتحبنى وحبيت تختبر صبرى
أنا صابر يارب....مش هعمل أبدا غلط....مش هقول ليه ظلمتنى...لأنه مش ظلم...دى رحمة منك
جايز كمان أعود نفسى أفرح بالبلاء....يمكن ده بسبب حبك....يبقى الدنيا تهون يارب قصاد حبك
هوه ده الصبر على البلاء
عرفت.....أصبر





أصبر....أصل الدنيا صعبة.....صعبة أوى....فيهال جهاد وصبر...وفتن...بس أصبر
إنت هنا عابر سبيل....عايز ترجع لبيتك...للجنة...اشتقت للقاء حبيبك....ربك....
متحاولش تدور على سعادة كاملة فيها....أصل عمرك ما هتوصل لها....
أصلها مفيهاش سعادة كاملة....دى فى الجنة....متحاولش توصل للرضا التام....أصل عمره ما هيكون هنا...لأ ده فى الجنة.....يعنى متتعبش نفسك على شئ مستحيل...لأ
أصبر هنا....علشان توصل لكمال السعادة والرضا فى الجنة
وافتكر دوما.....(إنما يوفى الصابرون
أجرهم بغير حساب

(
يارب صابر....وهصبر...وهحاول...وكل ما هقع...هرجع أقوم...واستغفرك
وأنا واثق فى رحمتك...يارب إنت كريم.....إنت رحيم
يارب أنا إشتقت لك.....ومحتاج لك....وبحبك يارب
اللهم أغفر لنا ذنوبنا وكفر عنا سيئاتنا
اللهم إجعلنا من الصابرين....إرزقنا الصبر الجميل
اللهم ثبت قلوبنا....وداوى جراحنا...واغفر سيئاتنا....وارحم أمواتنا
وأغفر لأحياء أمتنا
اللهم آمين
اللهم آمين
اللهم آمين

الأحد، 22 يوليو 2007

كـــن أقـــــــــــــــــــــوى.....



كم تبلغ من العمر يا صاح....؟؟
عشرون.....ثلاثون....أربعون....
وكم بقى لك....؟؟؟
أكثير أم قليل
قف
....وتسائل إلى أين تسير....؟؟
أضللت أم ما زلت فى النور تسير.....
أغمض عيناك....إنساها....إنسى كل شئ....وفكر معى
أنا الآن غريب.......نعم غريب فيها....فى تلك الدنيا....تعبرمن خلالها إلى حيث تختار أنت المصير أى أننى...أنك..عابر سبيل
تقف فيها لبرهة....ربما تتطول....تتزود بما يعين...لتواصل الطريق.......
لما توقفت قدماك....لما ....أأغرتك الزخارف والرسومات.....؟؟؟
حركهما سريعا ....حتى لا تخدعك....وتسمرهما فى منتصف الطريق.....
أنظر معى...بعد أن أغمضت عيناك.....إلى أين كل تلك الرسوم والزخرفات....
كلها تصير إلى التراب.....فلما العجاب منها والإعجاب......
إنها نفسك ...أليس كذلك.....أنه عدوك....أليس كذلك


كن أقوى ....لا تدعهما يخدعاك

......

كن أقوى بركعتين فى جوف الليل....تترقرق فيهما الدموع....وتغتسل فيهما من الذنوب....تناجى خالقك...بأن

يحميك....ويثبتك....فلا تأسرك...
تشعر فيهما نورا وصفاء يعم قلبك......وسكينة تقود نفسك....وقوة تعصى شيطانك وعدوك......


كن أقوى....بصوت خاشع....هادئ....حزين....يناجى تحت ستر الظلام فى حياء
يناجى خالقه...فى ولاء....يطلب منه الثبات....وقوة اليقين...


كن أقوى بكتابه الكريم......ترتله....وتسموا مع كلماته....تريح عينيك التى أرهقتها الدنيا ...بالنظر فى صفحاته....تجعل كلماته أفعالا....وتنشر ضوئها فى عالمك

كن أقوى بالتقرب إليه....بكل ما يحب....بالسير على هدى أشرف من خلق....
بإحياء سنته....


كن أقوى.....بغيرك....خذ بيدهم....فهم جميعا أخوتك...خذ بيدهم للنور وستجد وقتها الصحبة التى تعينك على قطع الطريق دون كلل...تشحذ همتك إذا فترت...تقوى عزيمتك إذا ضعفت...تبصرك بما خلف الدنيا إن أعمتك.....أحبهم كما تحب نفسك...وأخشى عليهم منها...من خداعها كما تخشى على نفسك....
فحتما سيخشون عليك يوما....إن رؤك ضللت...ويعيدونك كما أعدتهم....


كن أقوى....اهزم كل عائق...فلست تمضى فى أى درب....بل أنت ماضِ إلى ربك....ألم تشتاق له....؟؟؟
خبرنى بربك....ألم تحن لخالقك...لمن منَّ عليك بكل تلك النعم...بسمعك
وبصرك..بقدميك ويديك....بهيئتك...وصحتك...بكسوتك وأمنك....ألا تحن لمن هو أرحم بك من أمك....إذاً أنتصب....قم....ليس هناك وقت للكسل....للراحة


قم واجعل شوقك لحبيبك قائدا ومرشدا لك....حتى تلقاه
أذكره بين الناس....أولست تحبه.....وصدقنى سيذكرك فى من هم خير من الناس....فإن أحببته فهو يحبك.....
هيا أمسح ذاك الغبار عن قلبك....دع شوقك له يتحرك.....صدقنى...ستمضى بحماس وهمة إن أنت أحببته...
انتظر لاتفتح عينيك الآن....
فكر مليا فى تلك الدنيا ....قبل أن يليهك منها شئ قل...إلى أين هو سائر.....وستجد كل شئ يصير إلى التراب يا أخى ويا أختى
المال والجمال والأهل والبنون....فلا يغرنك الآن..وانظر إليه بعد عشرات السنين
إلى أين يصير....؟؟
وستوقن وقتها....أن كل ما عليك هو التزود دون المكوث
والأخذ بيد من مكثوا ظنا منهم أنهم وصلوا....ليواصلوا الطريق....

كن أقوى بحبك لربك
بدينك....بقرآنك....بطاعتك...بحرصك على أمر المسلمين...وأخذك بيد أخوتك


كن أقوى ولا تستمع لسفهاء بنى جنسك...فمنهم من لا يرى سواها....وأنت تعلم إلى أين هي....فلا تستمع له...
هيا قم....واصل....حاول...ولا تيأس إن تعثرت...فحتما ستجد معوقات
بل قم وواصل ثانية....
حتى تصل ولا تتأخر....
وتكن أنت الأقوى
....

السبت، 21 يوليو 2007

حنين



حنين من نوع مختلف..

حنين لنقاء يملأ القلوب...

لدمعات خاشعة فى أعماق الظلام...

ودعاء طويل...
حنين للإسلام ينثر عبيره فوق القلوب... لرحيل غول الظلام...
وانتصار شعاع النور....
لنفوس وقلوب متوضئة ...طائعة...ارتوت من ترتيل كتاب الله...
وانتصرت على هوى الدنيا...
وسمت إلى حيث النقاء...
وأطياف السماء...
سمت فوق كل حقد دفين...فوق أعداء الدين...

فوق معانى الغواية والضلال....
لنستيقظ على حقيقة حلمناها كثيرا

على أقدام تمضى فى الفردوس ثابتة...
اللهم إنا نسألك الفردوس...
اللهم آمين...





بسم الله أبدأ

اللهم وفقنى لإرضائك فى كل حرف أخطه فيها

فلا يكون إلا لوجهك الكريم

اللهم آمين