طــريق الحيــاة الطــويل ..

حبيـــت تشــاركونى موقف .. دفعنى للتــأمل


ܓܨ •° " تصـــوير "ܓܨ•°

كنا نازلين كلنا مع والدى فى مشوار
ووقتها كنت قاعدة أنا وزوجــة أخى فى الكرسي اللى جنب السائق
وحصل إن كان فيه عطلة فى الطريق الدائري
وكان شبه متوقف ..ومظلم ..ومشينا مع العربيات الكثيرة ..فى طريق طويل
مش عارفيــن أمتى هينتهى..وبدأنا نتعب من جلستنا لأنها مكنتش مريحــة

*****

ܓܨ •° " نقــاش "ܓܨ•°


زوجــة أخي
أنـــا


الطــريق ده ملوش نهــــاية ! (تعجب بفكاهـة)

كــل شئ وليه نهـــاية ..زي عمرنــا تمام ..
تصدقى إن حياتنا طريق طويل زى ده ..وهتنتهي فعلا ..بس الفرق إن الحياة فيها الحلو والسئ.. والطريق ده مش حلو (نبرة فكاهة)

لأ بالعكس دي نظرتك بس ..لكن فيه حجات حلوة كتير ..

زي إيــــه

بصي حواليكِ إحنا مع أسرتنــا ..وفى سيارة خاصة بينا ..وقاعدين ..وصحتنا كويســة الحمد لله
شايفة الأتوبيس ده (كان مزدحم جدا وفيه ناس واقفين كبيرة وصغيرة والله أعلم بظروف كل واحد)

صح بجد معاكِ حــــق.. تعرفي إن حايتنا كده برضو ..مش بنشوف الحلو الكتيــر اللى فيــها ..وبنبص للنقطة السودة اللى فى طرفها
عايزينها بيضاء .. زى ما أنا كده محسيتش بالنعم اللى إحنا فيها هنــا ..مش بنحسها فى حياتنا ..

(بعد شــوية لقينا عربية عطلت وكان السائق راجل كبير..ونزل يزقها ..وطبعا كان صعب حد ينزل يساعده)

وقتها كلنا ابتسمنا ..وسمعت كذا حد بيعلق نفس التعليق

ودي كمان نعمة ..عربيتنا ماشية ..حتى لو كنا مش مرتاحين في القاعدة ..لكنها ماشية
كان هيكون أيهما أحسن لو أحنا مرتاحين والعربية واقفة ولا دلوقتى..
أكيد دلوقتي

يـــاه ..بالضبط زي حياتنا .. النعمة دى محدش فينا أخد باله منها إلا لما شفناها ..
يعنى لما بنتأمل النعم اللى فى حياتنا ممكن نعم كتير أوى متوردش لبالنا ..

*****

ܓܨ •° " النهـــايــة "ܓܨ•°

الطريق انتهى ..يمكن كنا أنا وزوجة أخي تعبنا لأننا كنا اتنين فى كرسي وظهورنا كانت متعبــة
لكن كان جوه قلوبنا ابتسامة رضا وراحــة لما تأملنا النعم دى
كذلك حياتنا ..ممكن تكون فيها تعب ومشاكل ..لكن لما نبص للنعم ..ونحمد ربنا ..
مش هنحس بتعب ..وهيسكن الرضا قلوبنا ..

ياتري طريقك في الحياة ..هتمشيه ازاي
هتفضل تبص للعقبات ..وتحس بالألم ..والضيق ..وهتبقى تعبان من جوه ومن بره .. مش قادر تعمل اللى عليك

ولا هتبص للنعم ..وتفكر نفسك بيها ..مهما تعبت ..وتبتسم ..وتحس بالرضا ..اللى هيشجعك على المواصلة فى الطريــق

اختــار الرضــا لأنك كده كده هتمشي الطريق ده
تمشيه وأنت بتاخد ثواب ..ولا تمشيه وإنت محروم من الثواب ده

*****

ܓܨ •° " الخـــــلاصـــة "ܓܨ•°

إذا كانت الحياة بحر من الهموم ..اركبها بقارب صغير من الصبر شراعه الرضا ..

أنت سائر في الطــريق لا محـــالة ..فاجعلة مشرقا بالرضــا ..واجعله جنــة بالشكر والإبتسامة