الجمعة، 17 أبريل 2009

تــــــــــــاج ..




بسم الله الرحمـــن الرحيـــم ..

تاج تلقيتـــــــــــه من الحبيبة أم البنيــــن ..
لها كل الحب فى الله ..

اسمك؟

المستعـــار : أريج ..


المشهور بيه وسط اصحابك؟

فى النت : أريج


سنك؟

21


مجال دراستك؟

تربيـــة لغــة عربيــة

اسم مدونتك؟

حنيـــن ..


صورتك الرمزية فى المدونة بتعبر عن ايه؟

يمكن بحب صور كتير أوى..
بس صورتى حاليا الأحب لقلبى..
لأنها لأحب الأماكن لقلبى..
لمكـــان لما بزوره بحس إنى اتولدت من تانى
صورتى الرمزيــة لبيت ربي ..


هل فكرت فى اغلاق المدونة ؟ والسبب؟

لا ..
والسبب إنى بحبهـــا رغم هدؤها ..
مش متعودة أرد فى المدونـــات لكن بتابع من بعيد..
وده مخلى زوار مدونتى مش كتيـــر ..
لكن بحبها ..


ايه رد فعلك لو حد قل ادبه فى تعليق ؟

أكيد هحذفه بدون ما أرد عليــه..

أسوأ مدونه؟

أى مدونة تحمل هدف سىء
أى مدونة تهاجم ديني ..
أى مدونة تحمل ألفاظ وافكــار وصور خارجة..


هيحصل ايه للايميل بعد ماتموت؟

حتما سيغيب مع غيــابي..
فاللهم حسن الختــام ..وعمل يرضيك
وكلمات ترقينى للجنـــة
اللهم آميـــن ..

اديت الباسوورد لحد قبل كدة؟

لأختى الحبيبة..


السفر بالنسبة لك ايه؟

جايز مشقة ..
بس يمكن أنا بحب التغيير ..
السفر إذا كان للعمرة أُفضل أن يطول..
لتزداد حسناتى بقدر المشقة..
ويزداد شعور يتعلق بمكــان أحبه ..


الموود بتاعك ايه ؟

متقلب غالبا كما كل بنات حواء..
ويسكن ويطمئن حين الوقوف بين يدى الله
وفى قربه ..


بتعمل ايه فى وقت فراغك ؟

عامة أوقات فراغى تختلف فيها أفعــالى
لا أستطيع تحديد ما أفعله بها تقريبا
ولكنها تستغل فى جميع نواحى الحياة


الأكلة المفضلة ؟

بحب كذا حاجة..
ممكن البيتزا أو أى شئ تستخدم فيه مكوناتها
زى الجلاش والكريب


الصفات التى اخذتها من والدك؟

حب النــاس


الصفات التى اخذتها من والدتك؟

التســامح


اكتر ست حاجات بتكرههم ؟

الكذب
سوء الظن
بذائة اللســان
غياب الحياء
الضوضاء
سوء الخلق


اكتر ست حاجات بتحبهم ؟

البحر
الخضرة والطبيعة
قطرات المطر
التأمل
الشموع
رقة الطبع


شخصيتك نوعها ايه ؟

السؤال ده ممكن يجاوبه أبى أوأمى أو إخواتى
أو صديقاتى


لماذا دخلت عالم التدوين من الاساس؟

بحب أكتـــب..وأجمع كتاباتى فى مكــان خاص بى..
يعنى زى كشكولي الإلكترونى كده :)


احلى جملة قيلت فى وصف مدونتك؟

مش عارفة بالضبط
بس ممكن يكون انها بتخاطب الروح والقلب ..


اهمية التعليقات بالنسبة لك؟

تسعدنى إن كانت من أحبتى..
وإن كانت تحمل إضافة ..أو نقد أو تقييم
أو تخبرنى بنجاح تدوينتى فى تأثيرها عليهم ..


احلى بوست كتبته؟ ضع اللينك ثم اذكر لماذا؟

هو الأحلى عندى لأنه عن مكــان بحبه
وهو رحلة إلى أرض الطهــــر


افضل مدونة قرأتها؟

مدونــــات كتير..
يمكن أغلب المدونات اللى فى المفضلة عندى
بس يمكن أحبهن لقلبي
مدونة الشيشان فخر الأمـــة


افضل بوست قرأته؟

مش قادرة أحدد بالضبط..
لأن فى تدوينــات كتير عجبتنى وأثرت في ..


الشغل بالنسبة لك ايه؟

عــامة من وجهة نظرى المرأة المتزوجة أهم أعمالها منزلها ..
وإن كنت أدرك أهمية عمل المرأة كطبيبة ومعلمة وكل عمل تحتاجها فيه بنات جنسها
عن نفسى حتى تلك الفترة تفرغى..إلا إنى أفضل طلب العلم
وإن كنت أحب مجال عملى كثيرا ..فى أثناء التدريب العملى تبع جامعتى
عند تدربنا بالمدارس..كنت أحب الفتيات كثيرا وأحب الشرح لهن وسرعة تأثرهن بالنصائح
ونقاء مشاعرهن وتعلقهن بى..
ولكنى ربما لأنى طالبة تدريب ..كان بإمكـــانى الهروب من حجرة المدرسين
فى يوم التدريب ..لأنها أكثر ما أكره ..
غيبة ونميمة ..وضغائن ...والكثير مما لا أستطيع العيش فيه فترة طويلة
رغم شدة حبى لمهنتى وشدة إدراكى أن للمعلم تأثير قوى فى الطالب
وشعورى بسعادة عندما ألمح غرس طيب غرسته بهن يؤتى ثماره
إلا أنى أخشى جو الضغائن وربما لا أستطيع التعامل فيه
فكيف بى وأنا معلمة ملزمة بالتواجد فى هذا الجو ..ويحكمنى سنى
فى عدم توجيه نصائح لمعلمة فى مثل عمر أمى..
ربما أحتــاج قوة لمواجهة هذا..


لكن لا أؤمن بعمل لى بعد الزواج سوى منزلي..بإذن الله


الانترنت بالنسبة لك ايه ؟

تعلم ..وتقرب لله ..ودعـــوة ..


تمرر التاج ده لمين ؟

لكــل من يقرأه ..


هناك 16 تعليقًا:

امنية يقول...

أريـج بجد
مهما اكون..
لما أدخل مدونتك بحس بهدوء وطمأنينة

استمتعت بقراءة اجاباتك

شخصيتك..
صادقة لأبعد الحدود

:)
أحبكِ فى الله

أريج يقول...

مونى..
حبيبتى..
ربنا يجبر خاطرك :)

ورغم إنى عارفة إنك بتجاملينى..
بس بفرح جدا بوجودك
جداااا والله
أحبكِ الله ..
وأنا بحبك جدااا فى الله

(أم البنين) يقول...

أريج الرومانسية محبة الطبيعة
أحبك في الله

امنية يقول...

اتهام باطل لا دليل على صحته

أنا لا أجامل

أطالب بتعويض " رسالة ورنة "


رفعت الجلسة

(أم البنين) يقول...

هذه المدونه لأختك حبيبة جديدة في عالم التدوين أرجو أن تشاركينها
http://bentomabeeha.blogspot.com/

أريج يقول...

أم البنين حبيبتى
ربنا يبارك لك ..
أحبكِ الله
ويعلم ربى كم أنتِ فى قلبى ..

وسيتم المشاركة بالمدونة بإذن الله
أكرمكِ الله

أريج يقول...

سيادة القاضى أمنية
كريم الخلق أنت سيدى
تخيلت أنك ستحكم على بأعمال شاقة
نحو المجئ للقاهرة
ولكن ظهر كرم أخلاقكم فى حكمكم
ليت كل القضاة مثلكم..

المهم سيدى القاضى لو سمحت اتبعتلك تاج
لأن حضرتك قرأته .. :)
بس ممكن تأجليه بعد الإمتحانات ..

مونى ..
تسلمى وربنا ميحرمنيش منك

تقويم لساحة التدوين يقول...

السلام عليكم ورحمة الله وبركاته

نتمني زيارتنا لمتابعة التقرير الخاص بمدونتكم حنين


نتمني منكم الزيارة وخالص دعائكم

ساعدنا في تكوين جسر من المدونين الهادفين


رابطة هويتي إسلامية مدونون من أجل فلسطين

أريج يقول...

جزيتم الفردوس..

تمت المشاركة..

رابطة هويتي اسلامية يقول...

السلام عليكم ورحمة الله وبركاته

تم بالفعل إنضمامكم إلي هويتي إسلامية

نتمني منكم المتابعة

أبو فاطمة

تقويم لساحة التدوين يقول...

السلام عليكم ورحمة الله وبركاته

نتمني منكم زيارتنا

لأنه تم إصدار التحديث الخاص بتقريرنا عن مدونتكم

تابعونا لنهضة التدوين الهادف

شاركونا لنصنع جسر التدوين الهادف

لا تنسونا من دعائكم

بارك الله فيكم

امنية يقول...

أريـج

عُلم وينفّذ ان شاء الله


==

صدر فى الاستئناف حكم قضائى بالنفى للقاهرة ..هتعملى ايه؟؟
بيتى مفتوحلك
D:

كسولة جدا يقول...

جزاكِ الله خيرا يا أريج
إنى حقا أحبكِ فى الله

أريج يقول...

حبيبتي الغالية
أحبكِ الله ..

أنتِ رفيدة ..؟

غير معرف يقول...

بتعجبني شخصيتك يا أريج ماشاء الله

كفاية اختيارك للصور الرقيقة بيدل على مشاعر راقية جدا جواك.

احساسك وروحك الهادئة الطيبة.


اختك في الله:
لؤلؤة الزمن

أريج يقول...

حفوصة حبيبتي
لسه شايفة ردك حالا معلش
وكلامك نتيجة
لأن نظرتك جميلة ورقيقة
فأنتِ شايفاني كده

بجد ربنا ميحرمنيش قلبك الجميل
بحبك فى الله يا لؤلؤتي

وجودك أسعدني جدا (وردة)